https://mtisambebi.ge/ - ჭიათურის სოფელ ითხვისში ვითარება ძალიან მძიმეა. 12 სახლი სრულად ან ნაწილობრივ არის დანგრეული. გიგანტური ნაპრალების გაჩენის შემდეგ, მეგრელიშვილების უბანში მთა მოწყდა და 1 სახლი სრულად დამარხა. სახიფათო არეალი ყოველ წუთს ფართოვდება და სახლებს გოგატიშვილებისა და მახათაძეების უბანშიც ანგრევს. ითხვისის მცხოვრებლების თქმით, სოფლის ქვეშ „ჯორჯიან მანგანეზის“ მაღარო გადის და მიწა ამიტომ ვარდება. სოფელში დღეს გეოლოგები მუშაობდნენ. წინასწარი ინფორმაციით, რამდენიმე უბანში ცხოვრება აღარ შეიძლება. ჭიათურის მერიამ ათზე მეტი ოჯახი დროებით ქირით გაიყვანა.
