მეშახტეებმა საპროტესტო აქცია შეწყვიტეს

ტყიბულში საპროტესტო გამოსვლები შეწყდა. ამ ეტაპზე კრიზისი მოგვარებულია. სამდღიანი შიმშილობის შემდეგ 25 მეშახტე შახტებიდან ამოვიდა. მინდელის და ძიძიგურის სახელობის შახტებს სხვა კომპანია იბარებს. 13-წლიანი მართვის შემდეგ კომპანია „ჯიაიჯიმ“ შახტების გაყიდვის გადაწყვეტილება მიიღო და მიზეზად ფინანსური პრობლემები დაასახელა. მეშახტეებს დაპირდნენ, რომ დღემდე გაუცემელ სექტემბრის ხელფასს ახალი ინვესტორი ორშაბათისთვის ჩაურიცხავს. რაც შეეხება შახტებს, რომლებიც შარშან ზაფხულში მომხდარი ტრაგედიის შემდეგ გაურკვეველი ვადით დაკონსერვებულია, ახალი მფლობელი პირობას დებს, რომ ქვანახშირის მოპოვებითი სამუშაოები ნოემბრიდან განახლდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.