მეშახტეების გაფიცვა

ტყიბულში ძიძიგურის შახტის თანამშრომლებმა გაფიცვა გამოაცხადეს. 200-ზე მეტი მეშახტე სამუშაოზე გასვლას იქამდე არ აპირებს, ვიდრე კომპანია მათ მოთხოვნებს არ დააკმაყოფილებს. დღეს ძიძიგურის შახტის ადმინსტრაციის შენობასთან საპროტესტო აქციაზე შეკრებილებმა რამდენიმე მოთხოვნა დააყენეს. ისინი გაცდენილი დღეების სრულად ანაზღაურებას, შახტის ბაგირის შეცვლას და შახტის სარკინიგზო სარეაბილიტაციო სამუშაოების დროულად დასრულებას მოითხოვენ. ამავე დროს, მეშახტეების შრომის უსაფრთხოებაზე პასუხისმგებლობას მთლიანად ხელისუფლებას აკისრებენ. შეკრებილების თქმით,  სულ რამდენიმე დღის წინ ხუთი მეშახტე მხუთავი აირით მოიწამლა. კომპანიის მხრიდან მეშახტეების საპროტესტო აქციაზე კომენტარი ჯერ არ გაკეთებულა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.