თბილისის მერი სამუშაო ვიზიტით თურქეთს ეწვია

თბილისის მერი სამუშაო ვიზიტით თურქეთის რესპუბლიკას ეწვია. ვიზიტის ფარგლებში კახა კალაძემ შეხვედრა გამართა „ისუზუს“ მწარმოებელ, თურქულ კომპანია „ანადოლუ გრუპის“   ხელმძღვანელებთან, ეწვია „ისუზუს“ ქარხანას და თბილისისთვის განკუთვნილი ავტობუსები დაათვალიერა. „ისუზუს“ მარკის 8-მეტრიანი ავტობუსები გათვლილი იქნება 53 მგზავრზე და სრულად ადაპტირებული იქნება შშმ პირთათვის. ავტობუსებში უზრუნველყოფილი იქნება ინტეგრირებული გათბობის, კონდიცირებისა და ვენტილაციის სისტემა, საინფორმაციო ხმოვანი სისტემა, ანტივანდალური ვიდეომონიტორინგის სისტემა, ასევე, USB-დამტენები და „ვაიფაი“. თბილისის სატრანსპორტო კომპანიასა და ტენდერში გამარჯვებულ კომპანია „ჯი თი გრუპს“ შორის 220 ახალი, თანამედროვე „ეურო 6“-ის სტანდარტის, რვამეტრიანი ავტობუსის შესყიდვის ხელშეკრულება მიმდინარე წლის 24 აპრილს გაფორმდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.