მარნეულში თენგიზ ნავერიანის სახელობის ჩემპიონატი გაიმართა

22.12.2018 01:50

ქვემო ქართლში სახელმწიფო რწმუნებულის ადმინისტრაცია

არხი

22 დეკემბერს, ქვემო ქართლში სახელმწიფო რწმუნებული შოთა რეხვიაშვილი, მოადგილესთან და მარნეულის მუნიციპალიტეტისა და საქართველოს ძიუდოს ფედერაციის ხელმძღვანელ პირებთან ერთად, თენგიზ ნავერიანის სახელობის საერთაშორისო საკლუბო ჩემპიონატს დაესწრო. სპორტული ღონისძიება საქართველოს ეროვნული ჰიმნით გაიხსნა. ადგილობრივი შემსრულებლები სტუმრების წინაშე ქორეოგრაფიული და ფოლკლორული ნომრებით წარდგნენ. შოთა რეხვიაშვილმა, ჩემპიონატის მონაწილე წარმატებული სპორტსმენები პირადად დააჯილდოვა და მარნეულის მუნიციპალიტეტის თვითმმართველობის წარმომადგენლებს, განსაკუთრებული, მადლობა გადაუხადა, სპორტის სხვადასხვა სახეობის განვითარებაში შეტანილი მნიშვნელოვანი წვლილისთვის. ჩემპიონატის საპრიზო ფონდი 30 000 ლარს შეადგენდს. გამარჯვება მოიპოვეს თბილისის, მარნეულის, გორისა და ქუთაისის ძიუდოს კლუბებმა. აღსანიშნავია, რომ თენგიზ ნავერიანის სახელობის საერთაშორისო საკლუბო ჩემპიონატი, წელს, მერვედ ჩატარდა. ღონისძიების ორგანიზება მარნეულის მუნიციპალიტეტმა და საქართველოს ძიუდოს ეროვნულმა ფედერაციამ უზრუნველყო. #ქვემოქართლი2018 #სპორტი2018 #მარნეული2018 #ქვემოქართლისრწმუნებული2018 #შოთარეხვიაშვილი2018

გაზიარება: