აქცია პარლამენტთან

საპროტესტო გამოსვლები გრძელდება. მოვლენების ეპიცენტრში ამჯერად რუსთაველის გამზირია. „ნაციონალური მოძრაობა“ აქციას პარლამენტის წინ მართავს. მიხეილ სააკაშვილის სამოქალაქო კლინიკაში გადაყვანის, ყოფილი პრეზიდენტის გათავისუფლების და ვადამდელი არჩევნების მოთხოვნით მიმდინარე აქციას სხვა ოპოზიციური პარტიებიდანაც უერთდებიან. სიტყვით გამოსვლები ახლაც მიმდინარეობს - უწყვეტი საპროტესტო მოძრაობა და გამოსვლები ერთდროულად რამდენიმე წერტილში „ნაციონალური მოძრაობის“ სამოქმედო სტრატეგიაა. ნიკა მელიამ ხვალისთვის უკვე დააანონსა სამ სახელმწიფო უწყებასთან აქციის მოწყობა. შეკრების ადგილი იქნება საქალაქო სასამართლოც, სადაც 7 ნოემბრის საქმეზე მიხეილ სააკაშვილის პროცესი იგეგმება. პროტესტისთვის შერჩეულია კიდევ ერთი ადგილი, რომელსაც პარტიის თავმჯდომარე წინასწარ განგებ არ ასახელებს. როგორც მელიას განცხადებიდან ირკვევა, ღამისთევა სამოქმედო გეგმის ნაწილი ამ ეტაპზე აღარ იქნება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.