პრეზიდენტმა ევროპარლამენტის თავდაცვისა და უშიშროების ქვეკომიტეტის დელეგაცია სასახლეში მიიღო
07/17/2013
მიხეილ სააკაშვილმა ევროპარლამენტის თავდაცვისა და უშიშროების ქვეკომიტეტის დელეგაცია, თავმჯდომარის არნო დანჟანის ხელმძღვანელობით, დღეს პრეზიდენტის სასახლეში მიიღო. შეხვედრისას, მხარეებმა საქართველოს ევროინტეგრაციის საკითხები განიხილეს და მიმდინარე პოლიტიკურ პროცესებზე ისაუბრეს. ყურადღება მათ ორმხრივი თანამშრომლობის აუცილებლობაზე გაამხვილეს და აღნიშნეს, რომ ევროპასთან საქართველოს დაახლოების პროცესი კვლავაც აქტიურად უნდა გაგრძელდეს. საუბარი შეეხო საქართველო-რუსეთის ურთიერთობასა და ქვეყნის ტერიტორიების ოკუპაციის თემასაც. არნო დანჟანის განცხადებით, ევროპარლამენტის დელეგაცია საქართველოში სწორედ ამ საკითხების შესასწავლად ჩამოვიდა. როგორც მან აღნიშნა, ევროპის მონიტორინგის მისიის საქმეა, დააკვირდეს და შეისწავლოს საქართველოში მიმდინარე მოვლენები. მან შეშფოთება გამოთქვა ოკუპაციის ხაზის გადმოწევისა და მოქალაქეების გატაცების თაობაზე. არნო დანჟანმა სინანულით აღნიშნა ისიც, რომ არ შედგა პრემიერთან და თავდაცვის მინისტრთან დაგეგმილი შეხვედრა. Visit Website: http://president.gov.ge
Visit Facebook: / saakashvilimikheil
Visit Twitter: / saakashvilim
----------------------------------------------------------------------------------------
Visit Facebook: / saakashvilimikheil
Visit Twitter: / saakashvilim
----------------------------------------------------------------------------------------
