განცხადებები ევროპარლამენტში

ევროკომისიის პრეზიდენტ ურსულა ფონ დერ ლაიენის განცხადებით, უკრაინაში რუსეთის ქმედებებს სამხედრო დანაშაული ჰქვია. ამის შესახებ ურსულა ფონ დერ ლაიენმა ევროპარლამენტში სიტყვით გამოსვლისას განაცხადა. მისივე თქმით, ევროკავშირმა უკრაინასთან ერთად ჩამოაყალიბა საერთო საგამოძიებო გუნდი მტკიცებულებებისა და ჩვენებების შესაგროვებლად, რათა პასუხი აგებინონ დანაშაულის ჩამდენ პირებს. მან ასევე ანიშნა, რომ ევროკავშირის მიერ გამოცხადებული სანქციების მეხუთე პაკეტი უკანასკნელი არ იქნება. ევროკომისიის პრეზიდენტის თქმით, ის და ევროკავშირის უმაღლესი წარმომადგენელი ჟოზეფ ბორელი მიმდინარე კვირის ბოლოს კიევში ჩავლენ, რათა უკრაინას მხარდაჭერა დაუდასტურონ. თავის მხრივ, ევროპარლამენტში გამოსვლისას ჟოზეფ ბორელმა განაცხადა, რომ უკრაინაში ომმა უნდა გამოაფხიზლოს ევროპელები. ევროკავშირის საგარეო პოლიტიკური უწყების ხელმძღვანელის თქმით, ევროკავშირმა იცოდა, რომ რუსეთის ენერგიაზე არის დამოკიდებული, თუმცა არ ეგონა, რომ ეს დამოკიდებულება ასეთი დიდია. როგორც ბორელმა აღნიშნა, უკრაინის კრიზისმა დაანახა ევროპას ის ხარვეზები, რომელიც ევროკავშირს უსაფრთხოებისა და თავდაცვის სფეროში აქვს. ევროპული საბჭოს პრეზიდენტმა შარლ მიშელმა კი ევროპარლამენტის ტრიბუნიდან რუს სამხედროებს მიმართ და ბრძოლის ველის დატოვებისა და ევროპაში თავშესაფრის ძებნისკენ მოუწოდა. შარლ მიშელმა ასევე ისაუბრა სანქციების გამკაცრებაზე და ხაზი გაუსვა სანქციების გვერდის ავლის ყველანაირი შესაძლებლობის აღკვეთის აუცილებლობას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.