ეპიდემიოლოგიური ვითარება მსოფლიოში

მსოფლიოში კორონავირუსით ინფიცირებულთა რაოდენობამ 270 მილიონს მიაღწია. გარდაცვლილია 5 მილიონ 300 ათასზე მეტი ადამიანი. მხოლოდ გასულ დღეს, მსოფლიო მასშტაბით, ვირუსით დაახლოებით 200 ათასი ადამიანი გარდაიცვალა. იზრდება კორონავირუსის ახალი ვარიანტის, „ომიკრონის“ გავრცელების არეალიც. სამხრეთ აფრიკაში აღმოჩენილი ახალი შტამი 60-ზე მეტ ქვეყანაშია დადასტურებული. სამხრეთ აფრიკელი მეცნიერების ინფორმაციით, მიუხედავად იმისა, რომ ახალი შტამს გავრცელების მაღალი მაჩვენებელი გააჩნია, მას „დელტა“ ვარიანტისგან განსხვავებით, ნაკლებად მძიმე გართულებები ახასიათებს და ძირითადად ზომიერი სიმძიმის მიმდინარეობა აქვს. ისრაელის სამედიცინო მკვლევრების თქმით, „ფაიზერის“ ვაქცინის სამი დოზით აცრას „ომიკრონის“ შტამისგან დაცვა შეუძლია. მათი თქმით, პირებს, რომლებიც მეორე დოზით 6 თვის წინ აიცრნენ, არ აქვთ „ომიკრონის“ მიმართ გამანეიტრალებელი უნარი, ხოლო მესამე დოზით აცრას შეუძლია, რომ ადამიანი ახალი შტამისგან ასჯერ მეტად დაიცვას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.