20-21 ივნისის ამნისტიის კანონპროექტი

ფინალურ ეტაპზეა შარლ მიშელის შეთანხმების პირველი პუნქტის აღსრულებაც. საკომიტეტო მოსმენების შემდეგ, ამნისტიის კანონპროექტი პლენარულ სხდომაზე ხვალ მესამე მოსმენით გადის. საბოლოო რედაქციის მიხედვით, სისხლის სამართლებრივი პასუხისმგებლობისა და სასჯელისგან გათავისუფლდება ყველა ის ადამიანი, რომელსაც 20-21 ივნისის მოვლენების დროს დანაშაული აქვს ჩადენილი, ან მცდელობა ჰქონდა და ამნისტიის გავრცელებაზე უარს არ ამბობს. ფრაქცია „ქართული ოცნების“ მიერ მომზადებულ პროექტს არცერთი ოპოზიციური პარტიის მხარდაჭერა არ აქვს. 19 აპრილის შეთანხმების ხელმომწერი ოპოზიციური ძალებისთვის, ივნისის ცნობილი მოვლენების საქმეზე ბრალდებულ სამართალდამცველთა ამნისტირება კატეგორიულად მიუღებელია. ამ საკითხზე ხელისუფლებასა და ოპონენტებს შორის უთანხმოება იმდენად მწვავე იყო, რომ თავის დროზე ოპოზიციას ამნისტიის ალტერნატიული პროექტის დაწერაც მოუხდა, თუმცა მათ მიერ შემუშავებული ვერსია ჩავარდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.