დაკავებულების საქმე

20-21 ივნისის მოვლენებზე დაკავებულთა ახლობლებს საგამოძიებო უწყების მიმართ პრეტენზიები აქვთ. აქციის მონაწილეთა ოჯახები შერჩევით სამართალზე მიუთითებენ და ამტკიცებენ, რომ დაკავებულები ჯერ თავად გახდნენ სამართალდამცველების მხრიდან ფიზიკური ძალადობის მსხვერპლი. გამოძიების მტკიცებით, ოთხივე მოქალაქე 20 ივნისის ღამეს პარლამენტის წინ განლაგებულ პოლიციელებს სხვადასხვა ნივთით თავს ესხმოდა და ფიზიკურ შეურაცხყოფას აყენებდა. მთავარ მტკიცებულებად დაპირისპირების ამსახველი ვიდეომასალა სახელდება და არ არის გამორიცხული, რომ ამავე საქმეზე ბრალდებულთა წრე გაფართოვდეს. საპროტესტო გამოსვლის ოთხი მონაწილის დაკავებას პოლიტიკურ დევნად აფასებს ოპოზიციის ნაწილი, რომელიც სამართალდამცავთა მხრიდან ძალის გადამეტების ფაქტების რეაგირების გარეშე დატოვებაზე საუბრობს და შინაგან საქმეთა მინისტრის გადადგომის მოთხოვნას დღის წესრიგიდან არ ხსნის. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.