76 ბებო, რომელიც საკუთარ დაკარგულ ხმაზე წუხს

28.10.2018 00:55

Radio Atinati

არხი

20-ე საარჩევნო უბანზე ხმა ვერ მისცა ერთ-ერთმა ამომრჩეველმა, რომელიც გადასატანი ყუთის სიაში იყო რეგისტრირებული. 76 წლის ჟუჟა ფარულავამ გვითხრა, რომ მას სახლში ყუთი მიუტანეს, თუმცა მისი პირადი ნომერი სიაში მითითებულს არ დაემთხვა. „მე არავისთვის მითხოვია გადასატანი ყუთის მოტანა, ჯანმრთელი ვარ და შემიძლია მოსვლა საარჩევნო უბანზე. აგერ მოვედი და ერთი საათია, ეძებენ, ეძებენ. არ ვარ სიაში და ხომ დაეკარგა ჩემი ერთი ხმა იმ კანდიდატს, ვინც მე მინდა“, - გვითხრა ჟუჟა ფარულავამ. მასთან ინტერვიუს ჩაწერის დროს, დამკვირვებელი თინათინ კაკაჩია შეეცადა ჩვენთვის ხელის შეეშალა იმ მოტივით, რომ თითქოს რესპონდენტის ჩაწერის უფლება საარჩევნო უბნის გარეთ არ გვქონდა. რატომ მოხდა მსგავსი გაუგებრობა, უცნობია, რადგან უბნის თავმჯდომარემ ჩვენთან კომენტარის გაკეთება არ ისურვა. რადიო "ათინათი" Website: http://radioatinati.ge/ Facebook: / rado.atinati Google+: https://plus.google.com/u/1/ Twitter: / atinati1059 Instagram: / radioatinati1059fm

გაზიარება: