ჯანდაცვის სამინისტროს საჩუქარი მედიცინის მუზეუმს

ჯანდაცვის სამინისტრომ ქართული მედიცინის ისტორიის მუზეუმს ქართული ქირურგიის ფუძემდებლის, აკადემიკოს გრიგოლ მუხაძის სამედიცინო არქივი გადასცა, რომელიც უწყებამ კულტურის სამინისტროს დახმარებით მოიძია. მუზეუმში ჯანდაცვის მინისტრი იმყოფებოდა. მისი განცხადებით, გრიგოლ მუხაძის ხელნაწერები, სამედიცინო სახის საბუთები და ბროშურები უფრო ფართო აუდიტორიისთვის უნდა იყოს ხელმისაწვდომი. გრიგოლ მუხაძე საქართველოში ქირურგიის ერთ-ერთი ფუძემდებელი, ასევე ტრავმატოლოგიისა და ორთოპედიის ინსტიტუტის და თბილისის სახელმწიფო უნივერსიტეტის საექიმო ფაკულტეტის შექმნის ერთ-ერთი ინიციატორი იყო. მან დააარსა სისხლის გადასხმის ცენტრალური სადგური, რომელიც სისხლის გადასხმის სამეცნიერო-კვლევით ინსტიტუტად გადაკეთდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.