ცოფიანი ძაღლის მიერ დაკაწრული ბავშვი ნაპოვნია

ცოფიანი ძაღლის მიერ დაკაწრული ბავშვი ნაპოვნია. არსებული ინფორმაციით ძაღლთან კონტაქტის შემდეგ ოჯახმა დაიწყო ვაქცინაციის პროცესი. მოზარდი ახლა სამედიცინო დაწესებულებაში ექიმის მეთვალყურეობის ქვეშ იმყოფება. შემთხვევა რამდენიმე დღის წინ კახეთის გზატკეცილზე მოხდა. ბავშვის დაკაწვრიდან რამდენიმე დღეში ძაღლი დაიღუპა. ლაბორატორიულმა კვლევამ ცოფის არსებობა დაადასტურა. უცნობი იყო ბავშვის ვინაობა და შესაბამისად ჩაუტარდა თუ არა მას ცოფის საწინააღმდეგო აცრები. სურსათის ეროვნული სააგენტო ოჯახს დროული გამოხმაურებისკენ მოუწოდებდა. ტერიტორიაზე, სადაც ცოფიანი ძაღლი ბინადრობდა, ცხოველთა მონიტორინგის სამსახურისა და სურსათის ეროვნული სააგენტოს წარმომადგენლები, ძაღლების სავალდებულო ვაქცინაციას და მონიტორინგს ატარებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.