საპროტესტო აქცია მაუწყებელთან

საზოგადოებრივი მაუწყებლის თანამშრომლების ნაწილისა და პროფკავშირის საპროტესტო აქცია. მაუწყებლის შენობასთან დღეს პირველი არხის ის თანამშრომლები შეიკრიბნენ, ვისაც მენეჯმენტი შრომითი ხელშეკრულების ცვლილებას სთავაზობს. უარის შემთხვევაში კი კომპენსაციას და ხელშეკრულების შეწყვეტას ჰპირდება. პროფკავშირები ამ წინადადებას არასამართლიანად მიიჩნევს და მიმართავს პარლამენტს, არასამთავრობო ორგანიზაციებს და ომბუდსმენს, ჩაერთონ საკითხის დარეგულირებაში. პროფკავშირები არხის მენეჯმენტსა და სამეურვეო საბჭოს ხვალ 12 საათზე შეხვედრას სთავაზობენ. პროფესიული გაერთიანების პოზიციით მენეჯმენტის გადაწყვეტილება არ არის დასაბუთებული და სამსახურიდან თანამშრომლების დათხოვნას უდრის. აქციის მონაწილეებს დღეს სამეურვეო საბჭოს წევრები ნინია კაკაბაძე და ქეთევან მსხილაძე შეხვდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.