საქართველოში გლოვის დღეა

დაშვებული დროშები, ყვავილები და სათამაშოები ჩამონგრეულ სადარბაზოსთან - ქვეყანა 8 ოქტომბერს დატრიალებული შემზარავი ტრაგედიის დროს დაღუპულ ადამიანებს გლოვობს. ბათუმში, 26 მაისის ქუჩის 13 ნომერში შვიდი სართულის ჩამონგრევამ ცხრა სიცოცხლე იმსხვერპლა. ტრაგედიამ ერთი ოჯახის ოთხი წევრი შეიწირა. 30-საათიანი სამაშველო ოპერაციის დროს ნანგრევებიდან ცოცხალი მხოლოდ ორი ადამიანი ამოიყვანეს, ახალგაზრდა ქალი მალევე კლინიკაში გარდაიცვალა, მამაკაცის ჯანმრთელობის მდგომარეობა ისევ მძიმეა. ბათუმის ცენტრში მდებარე სამსადარბაზოიანი კორპუსის ერთი სადარბაზო საერთოდ აღარ არსებობს, დანარჩენი ორი კი დაცარიელებულია - უსაფრთხოების მიზნით გვერდითა სადარბაზოების ბინადრები დროებით სასტუმროებსა და ახლობლების ბინებში არიან გადანაწილებული. 14 ოქტომბერს ტრაგედიის ადგილზე ექსპერტები მივლენ და დანარჩენი ორი სადარბაზოს მდგრადობას შეისწავლიან. სწორედ მათი დასკვნის მიხედვით გადაწყდება, დაბრუნდება თუ არა 8 ოქტომბერს ევაკუირებული 55-მდე ოჯახი საცხოვრებელ ბინებში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.