გუბერნატორის წარდგენა ქვემო ქართლში

22.08.2018 03:12

ქვემო ქართლში სახელმწიფო რწმუნებულის ადმინისტრაცია

არხი

22 აგვისტოს, მთავრობის ადმინისტრაციის რეგიონული განვითარების სამსახურის უფროსმა, სოზარ სუბარმა, ქვემო ქართლის გუბერნატორი, შოთა რეხვიაშვილი მუნიციპალიტეტების მერებს, საკრებულოს თავმჯდომარეებსა და საქართველოს პარლამენტში მხარის მაჟორიტარ დეპუტატებს წარუდგინა. შეხვედრაზე სახელმწიფო რწმუნებულმა-გუბერნატორმა რეგიონის პოტენციალზე გაამახვილა ყურადღება და სამომავლოდ განსახორციელებელ გეგმებზე ისაუბრა. ,,მე კიდევ ერთხელ მადლობა მინდა გადავუხადო ქვეყნის პრემიერ- მინისტრსა და მთავრობას ნდობისთვის. კარგად ვიცნობ მხარეს და ჩემთვის დიდი პატივია ამ პოზიციიდან რეგიონის ხელმძღვანელობა. მუდმივ კომუნიკაციაში ვიქნები მოსახლეობასთან და ადგილობრივ თვითმმართველობებთან ერთად დავეხმარები მათ პრობლემების სწრაფ გადაწყვეტაში. მინდა ავღნიშნო, რომ ადგილზე ინტენსიურად ვითარდება ინფრასტრუქტურული პროექტები. მასშტაბები კიდევ უფრო მეტად გაიზრდება, რათა ხალხმა ყოველდღიურად იგრძნოს პროგრესი და დადებითი ცვლილებები“ - განაცხადა ქვემო ქართლის გუბერნატორმა შოთა რეხვიაშვილმა. #ქვემოქართლი2018 #გუბერნატორისწარდგენა2018 #შოთარეხვიაშვილი2018

გაზიარება: