© https://mtisambebi.ge/ - სოფელი ახალი ხულგუმო ნინოწმინდის მუნიციპალიტეტში, ფარავნის ტბის დასავლეთ ნაპირას მდებარეობს, ზღვის დონიდან დაახლოებით 2150 მეტრზე. წალკა-ნინოწმინდის გზიდან სოფლამდე 3 კილომეტრია. ადგილობრივები ზამთარში სამანქანო გზით ვერ სარგებლობენ. ჯავახეთის ქედებიდან ძლიერი ქარის დროს წამოსული ნამქერი გზას მთლიანად ფარავს და გაუვალს ხდის. ტრაქტორიც იშვიათად წმენდს. ახალი ხულგუმოს მოსახლეობისთვის გამოსავალი გაყინულ ტბაზე მოძრაობაა რაც სიცოცხლის ფასად უჯდებათ. სოფელში არც საბავშვო ბაღია, არც მაღაზია, არც ექიმი.
