პრემიერ-მინისტრის ვიზიტი უკრაინაში

პრემიერ-მინისტრის ოფიციალური ვიზიტი უკრაინაში გრძელდება. სამუშაო დღეს ირაკლი ღარიბაშვილი უკრაინელ კოლეგასთან პირისპირ აუდიენციით დაიწყებს, რომელიც გაფართოებულ ფორმატში უკრაინის მინისტრთა კაბინეტის წევრებთან შეხვედრით გაგრძელდება. მოგვიანებით კი პრემიერ-მინისტრები ერთობლივ განცხადებას გააკეთებენ. გარდა ამისა, დღესვე პრემიერ-მინისტრი უნდა შეხვდეს უკრაინის პრეზიდენტსა და რადა-ს თავმჯდომარესაც. ხვალ მთავრობის მეთაური, 43 ქვეყნის პოლიტიკურ ლიდერთან ერთად, მონაწილეობას მიიღებს ყირიმის პლატფორმის სამიტში, რომლის ფარგლებშიც, ერთობლივი დეკლარაციის შემუშავება იგეგმება. საქართველოს პრემიერ-მინისტრი ოფიციალური ვიზიტით უკრაინას გუშინ ეწვია. მან გუშინ უკრაინელ კოლეგასთან უკვე გამართა არაფორმალური შეხვედრაც. ორი ქვეყნის პრემიერ-მინისტრები გუშინ ასევე იმყოფებოდნენ საერთაშორისო სამშვიდობო და უსაფრთხოების სწავლების ცენტრში, სადაც საჩვენებელ სწავლებასაც დაესწრნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.