არჩევნები ოკუპირებულ აფხაზეთში

ოკუპირებულ აფხაზეთში  ე.წ. საპრეზიდენტო არჩევნები იმართება. დე-ფაქტო პრეზიდენტობისთვის სამი კანდიდატი იბრძვის. ადგურ არძინბა, ასლან ბჟანია და ლეონიდ ძაპშბა. საარჩევნო უბნები დილით 8 საათიდან გაიხსნა.  არჩევნებზე დაკვირვებას ოკუპირებული სამხრეთ ოსეთიდან და დნესტრისპირეთიდან ჩასული დამკვირვებლები აწარმოებენ, ისევე როგორც რუსეთის საელჩოს თანამშრომლები. არჩევანი უკვე გააკეთა  ე.წ. პრეზიდენტის მოვალეობის შემსრულებელმა, დე-ფაქტო პრემიერ-მინისტრმა ვალერი ბგანბამ. ოკუპირებული აფხაზეთის ყოფილი დე ფაქტო პრეზიდენტი, რაულ ხაჯიმბა, თანამდებობიდან 13 იანვარს ოთხდღიანი საპროტესტო აქციების შემდეგ გადადგა.  მას შემდეგ, რაც 10 იანვარს ოკუპირებული აფხაზეთის ე.წ. უზენაესმა სასამართლომ, სექტემბერში გამართული ე.წ. საპრეზიდენტო არჩევნების შედეგები, რომელშიც რაულ ხაჯიმბამ გაიმარჯვა, გააუქმა და ვადამდელი არჩევნები 22 მარტს დანიშნა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.