ლეტალობის უპრეცედენტოდ მაღალი მაჩვენებელი / მთიანი ყარაბაღი და ბაქო-ერევნის წითელი ხაზები #LIVE

• საქართველოში „კოვიდ-19“-ით სიკვდილიანობის უპრეცედენტოდ მაღალი რიცხვი დაფიქსირდა - ვირუსულმა ინფექციამ ბოლო დღე-ღამის განმავლობაში 11 ადამიანის სიცოცხლე იმსხვერპლა; საგანგაშო ნიშნულზეა ინფიცირების მაჩვენებელიც; აჭარა კვლავ წითელ ზონად რჩება • მთიან ყარაბაღში ინტენსიური საბრძოლო მოქმედებები არ წყდება, ისევე როგორც მხარეთა ურთიერთბრალდებები; ბაქოს და ერევანს საკუთარი წითელი ხაზები აქვთ - სომხეთის ლიდერი სადავო ტერიტორიის თვითგამორკვევის უფლებაზე საუბრობს, ილჰამ ალიევი კი აცხადებს, რომ აზერბაიჯანი მთიანი ყარაბაღის დამოუკიდებლობას არავითარ პირობებში არ დათანხმდება • სახელმწიფო ტერიტორიების უცხო ქვეყნისთვის გადაცემის საქმის ანატომია და პოლიტიკური შეფასებები - თავდაცვის მინისტრი 1938 წლის რუკის მოძიების პროცესს იხსენებს და ყოფილ ხელისუფლებას სახელმწიფოს ღალატში ადანაშაულებს, ოპოზიცია კი თემის გააქტიურებას მოახლოებულ არჩევნებს უკავშირებს; მმართველი გუნდი მიიჩნევს, რომ დავით გარეჯის საკითხი პარტიულობაზე მაღლა დგას • ახალგაზრდა იურისტთა ასოციაციის კვლევის მიხედვით საპარლამენტო კონტროლის ხარისხი გაუმჯობესდა, თუმცა ორგანიზაციაში მიიჩნევენ, რომ მიღწეული პროგრესი საკმარისი არ არის; საია-ს კვლევა, რეკომენდაციები და პოლიტიკური შეფასებები ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.