პროექტის განხილვა პარლამენტის ჯანდაცვის კომიტეტში

პარლამენტის ჯანდაცვის კომიტეტმა საქართველოს და „იბიარდს“ შორის სასესხო შეთანხმების გაფორმებას მხარი დაუჭირა. პარლამენტში დოკუმენტზე მსჯელობა ცხარე კამათის ფონზე წარიმართა. დამოუკიდებელი დეპუტატები დაინტერესდნენ, კონკრეტულად რაში დაიხარჯება გამოყოფილი თანხები. ამის თაობაზე დეპუტატებს ინფორმაცია ფინანსთა მინისტრის მოადგილემ, გიორგი კაკაურიძემ მიაწოდა. საუბარია   „კოვიდ -19“-ის წინააღმდეგ სწრაფი რეაგირების პროექტზე, რომლის მიზანია, საქართველოში პანდემიით გამოწვეული საფრთხეების თავიდან აცილება, გამოვლენა და რეაგირება. სასესხო შეთანხმების ფარგლებში „იბიარდი“ სესხის სახით 73 მილიონ 100 ათასი ევროს ოდენობის დაფინანსებას გამოყოფს. სესხის ხანგრძლივობა 26 წელია, აქედან 13 წელი შეღავათიანი პერიოდია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.