აგროდიზელით ხელშეწყობის პროგრამის მიმდინარეობა ქვემო ქართლში

ქვემო ქართლში სახელმწიფო რწმუნებულის მოადგილე, კახა კობერიძე, სოფლისა და სოფლის მეურნეობის განვითარების სააგენტოს დირექტორი, ილია თამარაშვილი და მარნეულის მუნიციპალიტეტის მერი, ზაურ დარგალი, აგროდიზელით ხელშეწყობის პროგრამის მიმდინარეობას გაეცნენ და ადგილობრივ ფერმერებს გაესაუბრნენ. სოფლის მეურნეობის ანტიკრიზისული გეგმის ფარგლებში, 21 000 ტონაზე მეტი დიზელის საწვავის ფასდაკლების ბარათი, ქვეყნის მასშტაბით, 66 000-ზე მეტმა ბენეფიციარმა უკვე მიიღო, პროცესი ქვემო ქართლის რეგიონშიც შეუფერხებლად მიმდინარეობს. აგროდიზელით ხელშეწყობის პროგრამის ფარგლებში ფასდაკლების ბარათები ფერმერებისთვის ეტაპობრივად გაიცემა, როგორც იუსტიციის სახლებსა და საზოგადოებრივ ცენტრებში (my.gov.ge-ზე ვიზიტის წინასწარი დაჯავშნის პრინციპით), ასევე სოფლისა და სოფლის მეურნეობის განვითარების სააგენტოს რეგიონული სამსახურებსა და მუნიციპალიტეტებში არსებულ საინფორმაციო-საკონსულტაციო ცენტრებში. აგროდიზელის ფასდაკლების ბარათებს გასცემს ლიბერთი ბანკის ფილიალებიც. პროგრამის ფარგლებში, ბენზინგასამართ სადგურებზე ფერმერთა ორგანიზებული მომსახურების პროცესის შენარჩუნებისთვის, ძალაშია დადგენილი წესი, რომლითაც ყველა ფერმერი 1 ივლისამდე შეძლებს გაანაღდოს კუთვნილი საწვავის ფასდაკლების ბარათების 20%, არანაკლებ 100 ლიტრისა. თუ მისაღები დიზელის საწვავის ოდენობა 100 ლიტრზე ნაკლებია, ფერმერები შეძლებენ საწვავის ფასდაკლების ბარათების სრულად გამოყენებას. 1 ივლისიდან 1 სექტემბრამდე, შესაძლებელი იქნება დიზელის ფასდაკლების ბარათების დამატებით 20%-ის განაღდება, არანაკლებ 300 ლიტრისა. თუ კუთვნილი საწვავის ოდენობა 300 ლიტრზე ნაკლებია, ფერმერები საწვავის ფასდაკლების ბარათების სრულად განაღდებას შეძლებენ, ხოლო 1 სექტემბრიდან, მათ ნებისმიერი რაოდენობის დიზელის ფასდაკლების ბარათების გამოყენების შესაძლებლობა ექნებათ. ➡ სოფლის მეურნეობის ანტიკრიზისული გეგმის „ზრუნვა სოფელზე და ფერმერებზე“ ფარგლებში შემუშავებული პროგრამები იხილეთ ბმულზე: www.arda.gov.ge #ქვემოქართლი2020 #StopCoV #ზრუნვასოფელზე #სოფლისმეურნეობა2020 #მთავრობა2020