ვანო მერაბიშვილის პოლიტიკური გეგმები

ვანო მერაბიშვილის საჯარო აქტიურობა ყოველდღიურად იზრდება. „ნაციონალური მოძრაობის“ დამფუძნებლის ხმამაღალი განცხადებები უკვე მის პარტიაშიც აწუხებთ. თბილისური მაიდნის არ გამორიცხვის და ხელისუფლების შესაცვლელად მასშტაბური პროტესტის დაანონსების შემდეგ ყოფილი შინაგან საქმეთა მინისტრი ამჯერად მელიას და მის გუნდს აკრიტიკებს. წინა წლების საპროტესტო მუხტის ხელოვნურად ჩაცხრობის გარდა ყოფილი ძალოვანი მინისტრი პარტიის წინა მენეჯმენტს უკრაინის ომზე პასიურობაშიც სდებს ბრალს. ისევ უკრაინული მედიისთვის მიცემულ ბოლო ინტერვიუს პარტიის შიგნით თუ გარეთ იმდენად მძიმე რეაქციები მოჰყვა, რომ პარტიის ახალ მენეჯმენტს განმარტებითი განცხადების გავრცელება დასჭირდა, სადაც მერაბიშვილის პირადი პოზიციისგან დისტანცირება სცადა. ყოფილი მაღალჩინოსანი, რომლის სახელსაც „ნაციონალურ მოძრაობაში“ ჩატარებულ შიდა ვადამდელ არჩევნებს და მელიას ხაბეიშვილით ჩანაცვლებას უკავშირებენ, უახლოეს პერიოდში ქვეყანაში ხელისუფლების შეცვლის მოთხოვნით მასშტაბურ პროტესტსაც ელოდება. მისი ბოლოდროინდელი გზავნილები პოლიტიკოსების ნაწილს ეჭვს უჩენს, რომ გახმაურებული საქმეების ფიგურანტი ექს-მინისტრი პოლიტიკაში დასაბრუნებლად ემზადება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.