ვითარება მთიან ყარაბაღში

არაღიარებული ყარაბაღის რესპუბლიკის წარმომადგენლები სტეპანაკერტის დაბომბვის შესახებ ავრცელებენ ინფორმაციას. დე ფაქტო ხელისუფლების განცხადებით, არიან დაჭრილებიც. ამავე დროს, სომხეთის დაზვერვის მონაცემებით, აზერბაიჯანის არმიის ცოცხალი ძალის დანაკარგი 3 000-ს აჭარბებს. სომხეთის თავდაცვის სამინისტროს ცნობით, აზერბაიჯანელი ჯარისკაცების უმრავლესობა ნეიტრალურ ზონაში დაიღუპა. ასევე, აცხადებენ, რომ სასტიკი შეტაკებები მთიანი ყარაბაღის სამხრეთ და აღმოსავლეთ მიმართულებებზე მიმდინარეობს, სადაც აზერბაიჯანის ხელისუფლებამ დიდი რაოდენობით სამხედრო ძალას მოუყარა თავი. თავის მხრივ, აზერბაიჯანის თავდაცვის სამინისტროს სომხეთის არმიას ასევე სამოქალაქო დასახლებების დაბომბვაში ადანაშაულებს. ბაქოში ამბობენ, რომ აზერბაიჯანის არმია მოწინააღმდეგის მიმართ გადამწყვეტ ზომებს იღებს. თავდაცვის უწყება სომხეთის არმიისა და არაღიარებული მთიანი ყარაბაღის სამხედრო შენაერთების მძიმე ტექნიკის განადგურების ამსახველ ვიდეომასალას ავრცელებს. ოფიციალური ბაქოს ინფორმაციით, ინტენსიური საბრძოლო მოქმედებები მთელი ღამის განმავლობაში მიმდინარეობდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.