https://mtisambebi.ge/ - სოფელ ზედა მლეთაში, ლომისის წმინდა გიორგის ტაძართან, რუსეთის საოკუპაციო ძალის ჯარისკაცები გადაიღეს მთიულეთის მცხოვრებლებმა. საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა ანდრია ჯაღმაიძემ საზოგადოებას მოუწოდა, სიტუაცია არ გაამწვავონ. „იქამდე ნუ მივიყვანთ, როგორც იმ ლომისის ტაძარშია, რომელიც არის გორის რაიონში. იქ ასე დაუფიქრებელი, მოუზომელი, ვითომ პატრიოტიზმის სახელით და პათოსით ააფრიალეს ქართული დროშა და საერთოდ დაიკეტა ის ტაძარი. მისვლის საშუალებაც არ აქვს არავის. ეს არის საფრთხილო ზონა. ეს არის ოკუპირებული ტერიტორიის სასაზღვრო ზონა“, - განაცხადა ჯაღმაიძემ. ადგილობრივმა მღვდელმა დავით ბურდულმა კი თქვა, რომ რუსი სამხედროები მათთან სულ ადიან, არანაირ დაძაბულობას არ უქმნიან და ყოველთვის „თბილად და სიყვარულით მიდიან“.
