ეპიდემიოლოგიური ვითარება მსოფლიოში

ამერიკის ფედერალური უწყებების თანამშრომლებისთვის კორონავირუსზე აცრა შესაძლოა სავალდებულო გახდეს. იმუნიზაციის პროცესთან დაკავშირებით პრეზიდენტი მომდევნო ნაბიჯების გამოცხადებას ხუთშაბათს გეგმავს. ამასთან, ბაიდენის ადმინისტრაციის ჯანდაცვის ექსპერტები სრულად ვაქცინირებულ მოქალაქეებსაც ურჩევენ, დახურულ სივრცეში პირბადე ატარონ. კორონავირუსის შემთხვევების მატების გამო ლოკდაუნი ოთხი კვირით გაახანგრძლივეს ავსტრალიის ქალაქ სიდნეიში. ადგილობრივმა ხელისუფლებამ რეგულაციების დაცვის მონიტორინგის გამკაცრების შესახებ განაცხადა. „დელტა“ ვარიანტის მატების გამო კორონავირუსის დღიური შემთხვევების ზრდა ფიქსირდება ევროპისა და აზიის ქვეყნებშიც. ბოლო დღე-ღამეში, თურქეთში კორონავირუსით ინფიცირების 19 761 შემთხვევა გამოვლინდა, რაც მაისის დასაწყისიდან ყველაზე მაღალი მაჩვენებელია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.