„ნაციონალური მოძრაობის“ მერობის კანდიდატები

„ნაციონალური მოძრაობა“ მოახლოებულ თვითმმართველობის არჩევნებში ძირითადად დამოუკიდებლად იბრძოლებს. თბილისის შემდეგ, 28 მუნიციპალიტეტში მერობის კანდიდატები შერჩეულები არიან. მსხვილ ქალაქებში პარტიამ არჩევანი პარლამენტის მოქმედ დეპუტატებზე გააკეთა, რამაც პოლიტიკურ სპექტრში კითხვები გააჩინა. ისევე როგორც ზუგდიდში პარტიის თავმჯდომარის მამის კანდიდატურის დასახელებამ. ყოფილი სახელისუფლებო პარტია 2 ოქტომბრის არჩევნებს რეფერენდუმად მიიჩნევს და მთავარ მიზნად ვადამდელი არჩევნების მიღწევას ასახელებს. გარკვეული ინტრიგა შექმნა ფოთის მერობის კანდიდატის საკითხმა. საზოგადოება პარტიისგან ამ დრომდე ელის განმარტებას, რატომ აღარ წარადგინეს თინა ბოკუჩავა ფოთში. ახლა საინტერესოა, მოახერხებს თუ არა დარჩენილ მუნიციპალიტეტებში ოპოზიცია კანდიდატების გარშემო კოორდინაციას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.