თავდაცვის მინისტრი საბრძოლო მომზადების ცენტრში საჩვენებელ სწავლებას დაესწრო

საქართველოს თავდაცვის მინისტრი საბრძოლო მომზადების ცენტრში, ამერიკელი ბრიგადის გენერალ ქრისტოფერ ნორთან ერთად, საქართველოს თავდაცვის მზადყოფნის პროგრამის   ფარგლებში განხორციელებულ საჩვენებელ სწავლებას დაესწრო. საბრძოლო მომზადების ცენტრში „ჯი-დი-არ-პით“ მომზადებას IV მექანიზებული ბრიგადის 41-ე ბატალიონი გადის. თავდაცვის მინისტრმა და ამერიკელმა ბრიგადის გენერალმა ცენტრის ფუნქციების, ამოცანებისა და მიზნების, ასევე, საქართველოს თავდაცვის მზადყოფნის პროგრამა - „წვრთნის“ შესახებ ინფორმაცია მოისმინეს. მათ ბაზის ინფრასტრუქტურაც დაათვალიერეს. შეხვედრაზე საბრძოლო მომზადების ცენტრის სამომავლო განვითარების გეგმებიც განიხილეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.