ვითარება თურქეთ-სირიის საზღვართან

ზავმა სიმშვიდე ჯერ ვერ უზრუნველყო. თურქეთ-სირიის საზღვარზე მაინც ისროდნენ. ანკარაში მიღწეული შეთანხმებიდან 24 საათია გასული, თუმცა დილიდან სირიის საზღვრისპირა ქალაქ რასელაინის და მიმდებარე დასახლებების მიმართულებით რამდენჯერმე ისროლეს ჭურვები. ხუთდღიანი პაუზა ერთი პირობით, - ასეთი შედეგით დასრულდა შეხვედრა, რომელსაც მთელი მსოფლიო განსაკუთრებული ინტერესით ელოდა. თავდაპირველი უარის მიუხედავად, ერდოღანი ანკარაში ჩასულ ამერიკელ მაღალჩინოსნებთან აუდიენციას ბოლოს მაინც დათანხმდა. თურქეთის მიერ სირიის ჩრდლოეთით დაწყებული სამხედრო ოპერაცია, რომელსაც ამერიკა და ნატო-ს წევრები კატეგორიულად ეწინააღმდეგებოდნენ, ახლა მხოლოდ შეჩერებულია. მისი დასრულება იმაზეა დამოკიდებული, დატოვებენ თუ არა ქურთული შენაერთები ოპერაციის არეალს ხუთი დღის ვადაში.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.