ინციდენტი რუსთავის სკოლაში

განათლების სამინისტრო რუსთავის ერთ-ერთ საჯარო სკოლაში მომხდარს ეხმაურება. უწყებაში აცხადებენ, რომ მომხდარის დეტალებს კარგად იცნობენ. ამჯერად კი შემდგომი რეაგირებისთვის, სოციალური სამსახურისა და შინაგან საქმეთა სამინისტროს დასკვნებს ელოდებიან. შეგახსნებთ, რომ მუსიკის პედაგოგი, ერთ-ერთ მოსწავლეს ფიზიკურ ძალადობაში ადანაშაულებს. მისი განცხადებით, გოგონამ მას ხელი ჰკრა და კიბეებზე დააგორა. მასწავლებელი ამ დრომდე მკურნალობის კურსს გადის. ის გამომძიებელმა უკვე გამოკითხა. ბრალდებას უარყოფს მოსწავლის დედა. მასწავლებელს ძალადობაში თავად ადანაშაულებს და ჰყვება, რომ პედაგოგმა მის შვილს ჯერ კიდევ აპრილში სცემა. მშობლის განმარტებით, გუშინდელი ფაქტის შემდეგ, გოგონა ფსიქოლოგიური სტრესის ქვეშ იმყოფება. გამოძიება ცემის მუხლით მიმდინარეობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.