მაია რჩეულიშვილმა საპატიმრო დატოვა

ერთ-ერთი რეზონანსული საქმის მთავარმა ფიგურანტმა ციხის საკანი დატოვა. თითქმის ხუთწლიანი პატიმრობის შემდეგ მაია რჩეულიშვილი თავისუფალია. „ცენტრ პოინტის“ გახმაურებულ საქმეზე მსჯავრდებულთან საპროცესო შეთანხმება გაფორმდა. გადაწყვეტილების საფუძველი თბილისის მერიასა და ინვესტორ კომპანიებთან მრავალწლიანი მოლაპარაკების შემდეგ გაფორმებული ხელშეკრულებაა, რომელიც ყველა გაჩერებული ობიექტის დასრულებას და 6 000-ზე მეტი დაზარალებული ოჯახისთვის კუთვნილი ბინების გადაცემას გულისხმობს. საუბარია ე.წ. პირამიდის სქემით დაზარალებულ ადამიანებზე, რომლებიც საცხოვრებელ ფართებს წლების განმავლობაში ელოდნენ. შეუსრულებელი ვალდებულებების გამო „ცენტრ-პოინტმა“ მის საკუთრებაში არსებული ქონება და ყველა აქტივი ინვესტორ კომპანიებს გადასცა. ხუთწლიანი სასამართლო განხილვები დასრულებულია.   ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.