საღვინე სახლი [პრომო]

ღვინის ისტორიის კაცობრიობის ისტორიიგან გამოყოფა არ შეიძლება. ამიტომაც, ქართული კულტურისა და ღვინის კულტურის ამქვეყნად მოვლინება მუდამ ერთად მოიაზრება. ღვინო იმ ადგილისა და ხალხის ყველაზე მკაფიო გამოხატულებაა, რომლებმაც ის შექმნეს. მისი უბრალო სასმელად აღქმა არასწორია. მართლმადიდებლური ტრადიციით ღვინო არა მარტო მხიარულებისა და სიამოვნების მომგვრელი სითხეა, არამედ „ქრისტეს სისხლად“ შერაცხული სიმბოლური კავშირი ზეცასა და ადამიანს შორის. იმასაც ამბობენ, თანამედროვე სიტყვა „wine” ქართული სიტყვა „ღვინოდან“ წარმოიშვაო... მეღვინეობისადმი განსაკუთრებულ დამოკიდებულება ქართული კულტურაში ლეგენდებისა და ტრადიციების სახითაა ასახული. საინტერესოა, როგორ ვლინდება თანამედროვეობაში ტრადიციები: ვითარდება თუ არა წინაპართა წეს-ჩვეულებები ; რამდენად აქტუალურია ღვინისა და საღვინე სახლის იდეა უახლეს ქართულ ისტორიაში. #კსუ_მულტიმედია_ცენტრის მიერ მომზადებული დოკუმენტური ფილმი "საღვინე სახლი" გიამბობთ დასავლეთისა და აღმოსავლეთის გზაგასაყარზე მდებარე ქვეყანაში დაბადებული ღვინის ძველ და ახალ ისტორიას.