დღეს იაკობ გოგებაშვილის სახელობის თელავის სახელმწიფო უნივერსიტეტში აკადემიურმა საბჭომ ადმინისტრაციის ხელმძღვანელის კანდიდატად კვლავ პაატა გოცირიძე აირჩია. აღნიშნულ სხდომას, რომელიც მედიისთვის დახურული იყო, წინ უძღოდა საგანგებო ბრიფინგი. უნივერსიტეტის რექტორის მრჩეველმა, ელიზბარ ელიზბარაშვილმა, რექტორის, ავთანდილ ღელაღუტაშვილის, გადადგომა მოითხოვა. ბრიფინგზე, რომელსაც მისივე მოწვევით, მხოლოდ ცენტრალური ტელეარხების წარმომადგენლები ესწრებოდნენ, ელიზბარაშვილმა თესაუ-ს საზოგადოებასთან ურთიერთობის სამსახურის ხელმძღვანელს და ადგილობრივი მედიის წარმომადგენლებს დარბაზის დატოვება მოსთხოვა. რექტორის მრჩეველმა ამის მიზეზად ჟურნალისტის დამადასტურებელი დოკუმენტების არქონა დაასახელა. ელიზბარ ელიზბარაშვილმა ბრიფინგის შესახებ ინფორმაციის დაბლოკვაში ნელი ცქიტიშვილი დაადანაშაულა, რომელმაც ეს ბრალდება კატეგორიულად უარყო. ბრიფინგის შემდეგ განცხადება მედიაპორტალ „ლოკალინფოს\" დირექტორმაც გააკეთა. ერეკლე ცოცანიძემ ელიზბარ ელიზბარაშვილი სიტყვიერი შეურაცხყოფის მიყენებაში დაადანაშაულა.
ვებ-გვერდზე გადასვლა:
http://bit.ly/N6Aes5
ვებ-გვერდზე გადასვლა:
http://bit.ly/N6Aes5
