სპექტაკლი -„სამი ასული“ ემიგრანტ ქალებზე

ზუგდიდში მოსწავლე ახალგაზრდობის სასახლეში ოზურგეთის სახელმწიფო დრამატულმა თეატრმა მორიგი სპექტაკლი ემიგრანტ ქალებს მიუძღვნა. მაყურებელს ახალგაზრდა რეჟისორმა მამუკა ბაბილოძემ ქართველი კლასიკოს-დრამატურგის პოლიკარპე კაკაბაძის ექსპერიმენტული პიესა „სამი ასული“ შესთავაზა. სპექტაკლში მთავარი პერსონაჟები ქალებია, რომლებსაც წარმოადგენენ მსახიობები: ანი გოდერძიშვილი, შორენა გვეტაძე და თამარ მდინარაძე. მათ მიგრაციაში ყოფნის ის სირთულეები გადმოსცეს, რასაც იქ მყოფი ქალები ყოველდღიურად აწყდებიან. „ჩემი საახლობლოდან უამრავი ქალი წელებია წასულია საზღვარგარეთ და სამშობლოში ვერ ბრუნდება. ამ სპექტაკლით გვინდა, რომ ვაჩვენოთ ის რთული პირობები, რაშიც მათ ოჯახიდან შორს უწევთ ყოფნა. საქართველოდან ქალების მიგრაცია დიდი პრობლემაა, სახელმწიფო უნდა დაფიქრდეს ამ პრობლემაზე და უნდა მოძებნოს გამოსავალი“,- თქვა მსახიობმა. მან ასევე მადლობა გადაუხადა ზუგდიდელ მაყურებელს და აღნიშნა, რომ ქალაქში განსაკუთებული აუდიტორია დახვდათ. ოზურგეთის თეატრი ტურნეს ფარგლებში დღეს ზუგდიდში ბოლო სპექტაკლ „ნერგს“ გამართავს. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/