გამკაცრებული რეგულაციები

საქართველოში არსებული ეპიდემიოლოგიური ვითარების გამო დაწესებული შეზღუდვების გაფართოების გადაწყვეტილებებზე იმსჯელეს მცხეთა-მთიანეთის სამხარეო ადმინისტრაციაში. ჯანდაცვის სამინისტროს შრომის პირობების ინსპექტირების დეპარტამენტის წარმომადგენლები რეგიონული სამსახურების ხელმძღვანელებს შეხვდნენ, სადაც საუბარი შეეხო ეკონომიკური ბიზნესსაქმიანობის გაკონტროლების საკითხებს. შეხვედრას მცხეთა-მთიანეთის მხარის სახელმწიფო რწმუნებულის მოვალეობის შემსრულებელი, შინაგან საქმეთა სამინისტროს, სურსათის ეროვნული სააგენტოს, შემოსავლების სამსახურის და სამხარეო ადმინისტრაციის წარმომადგენლები ესწრებოდნენ. მხარეებმა მომდევნო ერთი თვის განმავლობაში გასატარებელი ღონისძიებები დაგეგმეს. რაც შეეხება სანქციებს, რეგულაციების დარღვევის გამო თავდაპირველად ბიზნესსუბიექტის გაფრთხილება მოხდება, შემდეგ ეტაპზე კი ყველა იმ სუბიექტს დააჯარიმებენ, რომლებიც არანებადართულ საქმიანობას ახორციელებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.