პოლონეთის გადაწყვეტილება

რუსეთის მიერ უკრაინაზე მიტანილი მასირებული სარაკეტო იერიშის გამო, პოლონეთმა საკუთარი ავიაცია გაააქტიურა. ამის შესახებ პოლონეთის არმიის ოპერატიულმა სარდლობამ სოციალურ ქსელ „X“-ში გაავრცელა ინფორმაცია. როგორც პოლონელმა სამხედროებმა აღნიშნეს, ისინი აკვირდებიან რუსეთის ინტენსიურ დარტყმებს ობიექტებზე, რომლებიც „მათ შორის, უკრაინის დასავლეთ ნაწილში მდებარეობს“. პოლონეთის მონაცემებით, რუსული ავიაციის მსგავსი გააქტიურება, რომლის დროსაც დასავლეთ უკრაინაში დარტყმები განხორციელდა, უკანასკნელად დაფიქსირდა 8 ივლისს. მაშინ რუსეთმა მასობრივი სარაკეტო დარტყმა მიიტანა კიევზე, რასაც მსხვერპლი მოჰყვა. პოლონელმა სამხედროებმა აღნიშნეს, რომ ქვეყნის საჰაერო სივრცის უსაფრთხოების უზრუნველსაყოფად ყველა საჭირო პროცედურა ამოქმედებულია. როგორც ცნობილია, რუსეთის სარაკეტო თავდასხმის შედეგად, კიევის ზოგიერთ რაიონში ელექტროენერგიის მიწოდება შეფერხდა, ხოლო ვოლინის ოლქის ქალაქ ლუცკში მრავალსართულიანი სახლი დაზიანდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.