ორმხრივი შეხვედრები მიუნხენში

საქართველოს პრემიერ-მინისტრი ირაკლი ღარიბაშვილი მიუნხენის უსაფრთხოების კონფერენციის ფარგლებში GLOBSEC-ის დამფუძნებელსა და პრეზიდენტს, რობერტ ვასს შეხვდა. ამის შესახებ საქართველოს მთავრობის მეთაური „ტვიტერის“ გვერდზე წერს. პრემიერმა საუბრისას ხაზი გაუსვა სლოვაკეთთან მჭიდრო პოლიტიკურ ურთიერთობებს და აღნიშნა, რომ თანამშრომლობას კვლევით თუ ანალიტიკურ ორგანიზაციებთან, ისევე როგორც ბიზნესის წარმომადგენლებთან, დიდი მნიშვნელობა ენიჭება. ირაკლი ღარიბაშვილმა დაადასტურა ქართული მხარის მზადყოფნა, სლოვაკეთთან საერთო ევროპულ ფასეულობებზე დაფუძნებული თანამშრომლობის შემდგომი გაღრმავებისთვის. ამასთან, ხაზი გაესვა სლოვაკეთის მტკიცე მხარდაჭერას საქართველოს ტერიტორიული მთლიანობისა და სუვერენიტეტის, ასევე ევროპული და ევროატლანტიკური ინტეგრაციის კუთხით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.