ხანძრის 136 კერა საქართველოში

სამეგრელო, გურია, აჭარა, რაჭა-ლეჩხუმი, იმერეთი - ხანძრის 140-მდე კერა საქართველოს ხუთ რეგიონში. ცოტა ხნის წინ ახალი კერა გაჩნდა წყალტუბოს რაიონის სოფელ თელნარში, ასევე სამეგრელოში, მუჟავას ტყეში. ამ მომენტისთვის 116 კერა უკვე ჩამქარალია, სამი ლოკალიზებულია, 17-ზე კი მეხანძრე-მაშველები ცეცხლის ჩაქრობას ამ წუთებშიც ცდილობენ. ხანძრის შედეგად არცერთ რაიონში არავინ დაშავებულა, ცეცხლი ძირითადად ტყის დაბალ საფარსა და სასოფლო-სამეურნეო სავარგულებს მოედო და დასახლებულ პუნქტებზე არ გავრცელებულა. ცეცხლის გაჩენის მიზეზად სასოფლო-სამეურნეო სამუშაოები და დაუდევრობა სახელდება. შინაგან საქმეთა სამინისტროს საგანგებო სიტუაციების მართვის სამსახური მოსახლეობას მოუწოდებს, სასოფლო-სამეურნეო სავარგულების გადაწვისგან თავი შეიკავონ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.