პერსონალურ მონაცემთა დაცვის სამსახურის ანგარიში

პერსონალურ მონაცემთა დაცვის სამსახურის 2022 წლის ანგარიში მოისმინეს დღეს ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროებისა და იურიდიულ საკითხთა კომიტეტების ერთობლივ სხდომაზე. პერსონალურ მონაცემთა დაცვის სამსახურის უფროსმა ლელა ჯანაშვილმა საქართველოში მონაცემთა დაცვის მდგომარეობის, ფარული საგამოძიებო მოქმედებების ჩატარებისა და ელექტრონული კომუნიკაციის მაიდენტიფიცირებელ მონაცემთა ცენტრალურ ბანკში განხორციელებული აქტივობების კონტროლის შესახებ ისაუბრა. მისი თქმით, საანგარიშო პერიოდში, სამსახურმა 247 განცხადება შეტყობინება მიიღო, 149 შემოწმება-ინსპექტირება ჩაატარა. გამოვლინდა პერსონალურ მონაცემის არაკანონიერი დამუშავების 157 ფაქტი და დამრღვევებს ჯარიმები და გაფრთხილებები დაეკისრათ. ჯანაშვილის განცხადებით, სამსახურის საქმიანობა ევროპული ფასეულებებით და ღირებულებებით ხორციერდება. მისი თქმით, სწორედ ამის დასტურია ის ფაქტი, რომ სულ ახლახანს, მონაცემთა დაცვის ევროპულმა საბჭომ საქართველოს პერსონალურ მონაცემთა დაცვის სამსახურს საბჭოს საქმიანობის დამკვირვებლის სტატუსი მიანიჭა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.