საია: ბუნებრივი გზით ქალთა პოლიტიკური მონაწილოების ზრდა ვერ მიიღწევა

საქართველოს ახალგარზდა იურისტთა ასოციაციამ კვლევის 2017 წლის ადგილობრივი თვითმმართველობის ორგანოთა არჩევნების ინკლუზიური გარემოს შეფასების შუალედური შედეგების პრეზენტაცია გამართა. ორგანიზაციის აღმასრულებელმა დირექტორმა ირმა პავლიაშვილმა კვლევაში წარმოდგენილი გენდერული ანალიზი მდა ეთნიკური უმცირესობების ქცევა წარმოადგინა. ორგანიზაციის კვლევის თანახმად, ადგილობრივი თვითმმართველობის არჩევნებმა კიდევ ერთხელ დაადასტურა, რომ ბუნებრივი გზით ქალთა პოლიტიკური მონაწილეობის ზრდა საქართველოში ვერ მიიღწევა. ამასთან, გამოიკვეთა, რომ ქალთა რაოდენობა წინა ადგილობრივი თვითმმართველობის არჩევნებთან შედარებით1,5%-ით გაიზარდა და 13,46 % შეადგინა. გარდა ამისა, არჩეული 64 მერიდან მხოლოდ ერთი მერია ქალი. „ადგილობრივი თვითმმართველობის არჩევნებმა დაადასტურა, რომ მაჟორიტარული არჩევნები ხელს არ უწყობს ქალთა მონაწილეობის ზრდას, რადგან მაჟორიტარული სისტემით არჩეული ქალების რაოდენობა პროპორციულთან შედარებით მნიშვნელოვნად დაბალია. 64-დან 22 საკრებულოში მაჟორიტარული წესით არჩეულის ქალების რაოდენობა 0-ია“, - აღნიშნულია კვლევაში. პავლიაშვილის თქმით, სამეგრელოში, ისევე, როგორც მთლიანად ქვეყანაში, ქალებს წამყვან პოზიციებზე არ წარადგენენ და მათი ნომინირება არ ხდება, რაც საკრებულოებსა და პარლამენტში მათ ნაკლებობას იწვევს. „რაც შეეხება რეკომენდაციებს, ცენტრალურ დონეზე უნდა ჰქონდეს ერთიანი სტრატეგია, რათა თვითმმართველობა უფრო დამოუკიდებელი გახდეს. თავის მხრივ, თვითმმართველობები უფროს ახლოს იყვნენ მოსახლეობასთან და იმუშაონ მათ საჭიროებებზე“, - აღნიშნა პავლიაშვილმა. შეხვედრა პრეზენტაციის შემდეგ კითხვა-პასუხის რეჟიმში წარიმართა. არასამთავრობო ორგანიზაციების წარმომადგენლებმა აღნიშნული საკითხის შესახებ საკუთარი მოსაზრებები გამოთქვეს. „ქალი კანდიდატობის მსურველები ბევრია, თუმცა, ვხვდებით იმ პრობლემას, რომ არჩევნების დრო არ არის დაინტერესება მათ მიმართ, რადგან გადაწყვტილებას ღებულობენ კაცები“, - თქვა ციცინო შენგელიამ. კვლევა პროექტის „საქართველოში კონკურენტული, სამართლიანი და ინკლუზიური საარჩევნო გარემოს ხელშეწყობა 2016-2018 საარჩევნო ციკლისთვის“ ფარგლებში, USAID-ის მხარდაჭერით ხორციელდება. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/