შინაგან საქმეთა სამინისტროს კახეთის სამხარეო მთავარი სამმართველოს უფროსი ბესიკ ამირანაშვილი, მისი მოადგილეები და თელავის რაიონული სამმართველოს უფროსი, ანტინარკოტიკული კამპანიის ფარგლებში, თელავის მე-7 საჯარო სკოლის უფროსკლასელ მოსწავლეებს შეხვდნენ. უწყების წარმომადგენლებმა სამინისტროს მიერ ქვეყნის მასშტაბით დაწყებული ანტინარკოტიკული კამპანიის მიზანსა და მნიშვნელობაზე ისაუბრეს. მათ ყურადღება იმ საფრთხეებზე გაამახვილეს, რასაც ე.წ. ბიონარკოტიკების მოხმარება იწვევს. სამინისტრომ ანტინარკოტიკული კამპანია, რომლის სლოგანია „ერთად შევცვალოთ დამოკიდებულება\", 24 მარტს დაიწყო. კამპანია ე.წ. ბიონარკოტიკების გამოყენების პრევენციას და საზოგადოების ინფორმირებას ისახავს მიზნად.
ვებ-გვერდზე გადასვლა:
http://bit.ly/1kwz4oD
ვებ-გვერდზე გადასვლა:
http://bit.ly/1kwz4oD
