„კამერტონი-საქართველო” 5 წლისაა

3 მაისს, მასაქართველოს კულტურისა და ძეგლთა დაცვის სამინისტროს დარბაზში საერთაშორისო მუსიკალური პროექტის „კამერტონის” ქართველი წარმომადგენლების კონცერტი გაიმართა. ღონისძიება „კამერტონი-საქართველოს“ 5 წლის იუბილეს მიეძღვნა. კონცერტში მონაწილეობდნენ: პიანისტები - ირმა გიგანი, ანი გიგაური, თათა მახარაძე, ლევან უგულავა, კლარნეტისტები - ნოდარ მდივანი, გიორგი ოიკაშვილი, მევიოლინეები - სენდი ვართანოვი, ნატა როინიშვილი, ასევე - „კამერტონის” მეგობრები მევიოლინე თამარ ქორქაძე და ვიოლონჩელისტი მირიან კვალიაშვილი. მუსიკოსებმა მრავალფეროვანი და საინტერესო პროგრამა წარმოადგინეს. საერთაშორისო პროექტი „კამერტონი” საზოგადოებრივი ორგანიზაციის Eurocon e.V -ის ეგიდით ფუნქციონირებს და მოზარდთა მუსიკალური განათლების განვითარებას, კულტურის სფეროში თანამშრომლობასა და ახალგაზრდულ გაცვლით პროგრამებს უჭერს მხარს. „კამერტონის” პარტნიორი ქვეყნების რიგს საქართველო 2011 წელს შეუერთდა. http://culture.gov.ge/