არჩევნების შემსწავლელი საგამოძიებო კომისიის დასკვნა

სადავო პოლიტიკურ თემად რჩება 31 ოქტომბრის არჩევნები. პარლამენტის დროებითი საგამოძიებო კომისიის დასკვნა ოპოზიციის დიდი ნაწილისთვის მიუღებელია. ხელისუფლების ოპონენტები საერთაშორისო პარტნიორების შეფასებებს უპირისპირებენ დოკუმენტს, სადაც ორთვენახევრიანი მუშაობის შემდეგ ჩაიწერა, რომ საპარლამენტო არჩევნებზე გამოვლენილ დარღვევებს, საბოლოო შედეგებზე გავლენის მოხდენა არ შეეძლო. ძალოვანი უწყებების წარმომადგენლების, რამდენიმე სადამკვირვებლო ორგანიზაციის, ცესკო-ს ყოფილი თავმჯდომარისა და საარჩევნო კომისიების წევრთა გამოკითხვისა და შემთხვევითი შერჩევის პრინციპით 20 უბნის გადათვლის მიუხედავად, ოპოზიციისთვის 150-გვერდიანი დასკვნა მაინც მმართველი გუნდის ინტერესებზე მორგებულია. ხელისუფლება კი მიზანმიმართულ ცრუ კამპანიაზე მიუთითებს და დარწმუნებულია, რომ მასშტაბურ გაყალბებასთან დაკავშირებული ბრალდებებით ოპოზიცია დესტაბილიზაციის გამოწვევას ცდილობდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.