თბილისის მთავრობის სხდომა

დედაქალაქში არსებული საცობები იყო მთავარი თემა, თბილისის მთავრობის სხდომაზე. კახა კალაძის თქმით, თბილისის ცენტრალურ ქუჩებში ბოლო დღეებია განსაკუთრებით გადატვირთულია მოძრაობა, რაც ინფრასტრუქტურულ პროექტებს უკავშირდება. მისი თქმით, მელიქიშვილისა და წამებულის ქუჩების რეაბილიტაცია გარკვეულ დისკომფორტთან არის დაკავშირებული, რის გამოც მოსახლეობას ბოდიშს უხდის. კალაძის ინფორმაციით, აღნიშნულ ქუჩებზე მოწესრიგდება საგზაო ინფრასტრუქტურა, რაც შემდგომში ქალაქში გადაადგილებას უფრო მარტივსა და კომფორტულს გახდის. მელიქიშვილისა და წამებულის ქუჩების რეაბილიტაციის შემდეგ, წერეთლის გამზირის, მომავალი წლისთვის კი კოსტავას, რუსთაველისა და ვაჟა ფშაველას ქუჩების რეაბილიტაცია იგეგმება. დედაქალაქის მერმა სატრანსპორტო რეფორმაზეც გაამახვილა ყურადღება და აღნიშნა, რომ საზოგადოებრივი ტრანსპორტი სრულად განახლდა და ამ დროისთვის ქალაქს 672 ავტობუსი ემსახურება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.