უკრაინელი მოსწავლეები საქართველოს სკოლებსა და ბაღებში

საქართველოს მთავრობის კიდევ ერთი ინიციატივა და დახმარება უკრაინელ ბავშვებს, რომლებიც სამშობლოდან ომის მძიმე შედეგებს გამოექცნენ და თავი ჩვენს ქვეყანას შეაფარეს. თბილისში მიხეილ გრუშევკის სახელობის 41-ე საჯარო სკოლის ბაზაზე უკრაინულენოვანი სექტორი გაიხსნა. სწავლება ყველა საგანში უკრაინულ ენაზე, პირველიდან მე-11 კლასის ჩათვლით არის შესაძლებელი. სასწავლო პროცესში კი როგორც უკრაინიდან ჩამოსული, ისე ადგილობრივი მასწავლებლები ჩაერთვებიან. 41-ე საჯარო სკოლის ახალ სექტორში სწავლა დღეს ოფიციალურად დაიწყო. უკრაინულენოვანი სექტორის გახსნა პრემიერ-მინისტრის დავალებით განათლების სამინისტრომ ორ კვირაში უზრუნველყო. პარალელურად, სულ უფრო მეტი უკრაინელი ბავშვი ირიცხება ქართულ სკოლამდელი აღზრდის დაწესებულებებში.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.