საპატრიარქოს განცხადება

თბილისში 17 მაისს, ოჯახის სიწმინდის დღის აღნიშვნასთან დაკავშირებით, სახალხო მსვლელობა გაიმართება. განცხადება ამის შესახებ, საპატრიარქოში გამართულ პრესკონფერენციაზე გაკეთდა. მსვლელობა რესპუბლიკის მოედნიდან, სამების საკათედრო ტაძრამდე იგეგმება, სადაც სრულიად საქართველოს კათოლიკოს-პატრიარქი, უწმინდესი და უნეტარესი, ილია მეორე გადაიხდის პარაკლისს, დალოცავს ხალხს და სრულიად საქართველოს. ჟურნალისტების შეკითხვაზე, - მოსალოდნელია თუ არა მსვლელობის პარალელურად ადგილი ჰქონდეს 2013 წლის 17 მაისის მსგავს გამოსვლებს, - პატრიარქის მდივანი, მიქაელ ბოტკოველი აცხადებს, რომ საპატრიარქო გეგმავს მშვიდობიან მსვლელობას და ემიჯნება მსგავს მოვლენებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.