სოციოლოგიური კვლევის შედეგები


„ქართული ოცნება“ პარტიის შიდა კვლევების შედეგებს ავრცელებს.

კვლევა თბილისის მასშტაბით ჩატარდა, სადაც გამოკითხულთა 66,2 % მხარს კახა კალაძეს, ხოლო 33,8 % ნიკა მელიას უჭერს. რაც შეეხება პარტიულ რეიტინგებს, კვლევის მიხედვით პროცენტული მაჩვენებლები ასე ნაწილდება - „ქართული ოცნება“ - 46,3%,  „ნაციონალური მოძრაობა“ - 23,3%,  „გირჩი - მეტი თავისუფლება“ - 5, 3%, პარტია „საქართველოსთვის“ - 5.2%,  „მოქალაქეები“ - 3.3%, „სტრატეგია აღმაშენებელი“ -2.3%, „ლელო“ - 2.3%, „პატრიოტთა ალიანსი“ - 2.1%, „ევროპული საქართველო“ -  1,4%, „გირჩი“ - 1,2%, „ლეიბორისტული პარტია“ - 0,9%, „ერთიანი საქართველო“ - 0.8%, სხვა პარტიები - 5.6%.

კვლევა, პარტიაში შექმნილმა სოციალური კვლევის ჯგუფმა ჩაატარა. სოციალური კვლევა 2-8 აგვისტოს, პირისპირ ინტერვიუს მეთოდით ჩატარდა, რა დროსაც 3 446 მოქალაქე გამოიკითხა. ცდომილების ზღვარი 2,2% -ია.

„ქართული ოცნების“ შიდა პარტიულ კვლევებს და რეიტინგებს ოპოზიცია არ ენდობა. მათი განცხადებით, მმართველი პარტია, ამომრჩეველზე გავლენის მოხდენას ცდილობს. როგორც ოპოზიციაში განმარტავენ, მათ მიერ ჩატარებული შიდა პოლიტიკური კვლევების მიხედვით, „ქართულ ოცნებას“ გაცილებით დაბალი რეიტინგი აქვს.

ეწვიეთ ჩვენს საიტს - https://1tv.ge/\r
მოიწონეთ ჩვენი გვერდი - https://bit.ly/2WZv1qY\r
გამოიწერეთ ჩვენი არხი -    / georgianpb  \r
ვიდეო წარმოადგენს საზოგადოებრივი მაუწყებლის საკუთრებას.\r
მისი გავრცელება შეგიძლიათ მხოლოდ ბმულის გაზიარებით.\r
დაუშვებელია მასალის ჩამოტვირთვა და სხვაგან ატვირთვა,\r
ამ შემთხვევაში მაუწყებელი უფლებას იტოვებს მიმართოს შესაბამის ზომებს.

ვიდეოები „პირველი არხი Georgian Public Broadcaster"-ისგან