ფინეთი რუსული გაზის შეწყვეტას მომზადებული შეხვდება

14.05.2022 00:59

პირველი არხი Georgian Public Broadcaster

არხი

ფინეთი მზადაა, გაუმკლავდეს რუსეთის მხრიდან ბუნებრივი აირის მიწოდების შეწყვეტას. „როიტერის“ ცნობით, ამის შესახებ მთავრობის საგანგებო მზადყოფნის კომიტეტმა დღეს გამართული შეხვედრის შემდეგ განაცხადა. მანამდე, ფინურმა მედიამ გაავრცელა ცნობები იმაზე, რომ ფინელი პოლიტიკოსები ინფორმირებული იყვნენ რუსეთიდან გაზის ექსპორტის სავარაუდო შეწყვეტის თაობაზე. ჟურნალისტებთან საუბრისას ფინეთის თავდაცვის მინისტრმა, ანტი კაიკონენმა განაცხადა, რომ ის ვერ დაადასტურებს ინფორმაციას ამის თაობაზე, ხოლო თავის მხრივ, კრემლში აღნიშნეს, რომ ფინური მედიის ცნობები სიმართლეს არ შეესაბამება და „გაზპრომი“ კვლავ ბუნებრივი აირის სანდო მიმწოდებლად რჩება. ფინეთი მისთვის საჭირო გაზის უმეტესი ნაწილის იმპორტს მეზობელი რუსეთიდან ახორციელებს, თუმცა ამ ქვეყნისთვის ბუნებრივი აირი, წლიური ენერგიის მოხმარების მხოლოდ 5%-ს შეადგენს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: