აწყურის ღვთისმშობლის ტაძრის სარესტავრაციო სამუშაოები გრძელდება

ბიძინა ივანიშვილმა აწყურის ღვთისმშობლის ტაძრის სარესტავრაციო სამუშაოები მეუფე თეოდორესთან ერთად დაათვალიერა. 42 მეტრის სიმაღლის ტაძრის რესტავრაცია 2016 წელს დაიწყო. უკვე ამოყვანილია კედლები. ახლო მომავალში იგეგმება გუმბათის დაშენება. აღდგენილ ტაძარზე უნდა შენარჩუნდეს უძველესი დეტალები. სარესტავრაციო სამუშაოებისთვის ფონდ „ქართუს“ 12,5 მილიონ ლარზე მეტი აქვს გამოყოფილი. მიმდინარე წელს კი ძეგლების აღსადგენად იგეგმება 20 მილიონი ლარის დახარჯვა. აქედან 6 მილიონი ლარი მხოლოდ სამცხე-ჯავახეთის რეგიონში. რეგიონში უკვე აღდგენილია 40-მდე ისტორიული ძეგლი. მათ შორისაა ვარძიის რეაბილიტაციის პროექტი, რომლის ფარგლებში აღდგა გრუნტით დაფარული გამოქვაბულები და სამონასტრო კომპლექსი 20 %-ით გაიზარდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.